ရဲဘက်စခန်းနှင့် အချုပ်စခန်းများ သွားရောက်စစ်ဆေးခြင်း

ရဲဘက်စခန်းနှင့် အချုပ်စခန်းများ သွားရောက်စစ်ဆေးခြင်း

                                                                                                               

                   ရှမ်းပြည်နယ်တရားလွှတ်တော်၊ ပြည်နယ်တရားလွှတ်တော်တရားသူကြီးချုပ် ဦးသန်းဦးလွင်သည် ၁၄.၇.၂၀၂၃ ရက်နေ့ နံနက်၀၉:၄၅ နာရီအချိန်တွင် တောင်ကြီးခရိုင် တရားသူကြီး ဒေါ်ခင်စိုးညွန့်နှင့် တောင်ကြီးမြို့နယ်တရားသူကြီး ဒေါ်သင်းသီရိဝင်းတို့ လိုက်ပါလျက် တောင်ကြီးမြို့နယ်၊ ဘန်းကန်စိုက်ပျိုးမွေးမြူရေးနှင့်အသက်မွေးမှုအတတ်သင် စခန်းအားလည်းကောင်း၊ ယင်းနေ့ ၁၁:၃၀ နာရီအချိန်တွင် ရပ်စောက်မြို့နယ်၊ ထီးခမ်း စိုက်ပျိုးမွေးမြူရေးနှင့် အသက်မွေးမှုအတတ်သင်စခန်းအားလည်းကောင်း၊ ယင်းနေ့ ၁၂:၃၀ နာရီအချိန်တွင်  ရပ်စောက်မြို့မရဲစခန်းအားလည်းကောင်း သွားရောက်စစ်ဆေးခဲ့ပြီး ထိုသို့ ရဲဘက်စခန်းနှင့်အချုပ်စခန်းများ စစ်ဆေးခြင်းနှင့်ပတ်သက်၍ ရဲဘက်စခန်းများ စစ်ဆေးရာတွင် ရဲဘက်စခန်း၌ ပြစ်ဒဏ်ကျခံနေရသည့် အကျဉ်းသား / အကျဉ်းသူဦးရေ၊ ၎င်းတို့နေထိုင် စားသောက်မှု အဆင်ပြေချောမွေ့မှုရှိ/မရှိ၊ သန့်ရှင်းသော သောက်ရေ/သုံးရေရရှိမှုအခြေအနေ၊ ဥပဒေပါအခွင့်အရေးအရ အယူခံ/ ပြင်ဆင်တက်ရောက်မှုအခွင့်အရေးရရှိမှုရှိ/မရှိ၊ ကိုဗစ်-၁၉ ရောဂါကာကွယ်၊ ထိန်းချုပ်၊ ကုသရေး အမျိုးသားအဆင့်ဗဟိုကော်မတီ၏ လမ်းညွှန်ချက်များနှင့်အညီ အကျဉ်းသားများအား ထိန်းသိမ်းထားရှိရေး၊ ကျန်းမာရေးအတွက် ပိုမိုဂရုစိုက်စောင့်ရှောက်ပေးရေး၊ ဥပဒေပါအခွင့်အရေးများ ရရှိမှု ရှိ/မရှိ၊ လူ့အခွင့်အရေး ချိုးဖောက်ခံရမှုများရှိ/မရှိ စသည်များကို စစ်ဆေးကြည့်ရှုပြီး လိုအပ်ချက်များကို လမ်းညွှန်မှာကြားခဲ့ကြောင်း၊ ရဲစခန်းအချုပ်ခန်းများ စစ်ဆေးရာတွင် ရဲအချုပ်စခန်း၌ အချုပ်တရားခံများ ပိုမိုများပြားနေမှုရှိ/မရှိ၊ ကိုဗစ်ကာလ အတွင်း အမှုများစစ်ဆေးရာတွင် ကြန့်ကြာနေရသော အခက်အခဲများကိုမေးမြန်း၍ ပေါင်းစပ် ညှိနှိုင်းပူးပေါင်းဆောင်ရွက်နိုင်ရန် လမ်းညွှန်ပေးခြင်း၊ ကိုဗစ်-၁၉ ရောဂါကာကွယ်၊ ထိန်းချုပ်၊ ကုသရေး အမျိုးသားအဆင့်ဗဟိုကော်မတီ၏ လမ်းညွှန်ချက်များနှင့်အညီ အချုပ်သား များအား အချုပ်စခန်းတွင် ထိန်းသိမ်းထားရှိရေး၊ ကျန်းမာရေးအတွက် ပိုမိုဂရုစိုက် စောင့်ရှောက် ပေးရေး၊ အချုပ်စခန်းတွင်း အချုပ်သားများ ဥပဒေပါအခွင့်အရေးများရရှိမှု ရှိ/မရှိ၊ အချုပ်စခန်း တွင်း အချုပ်သားများ လူ့အခွင့်အရေးချိုးဖောက်ခံရမှုများ ရှိ/မရှိ၊ အချုပ်ခန်းများ စနစ်တကျ လုံခြုံမှုရှိရေးစသည်များကို စစ်ဆေးကြည့်ရှုပြီး လိုအပ်ချက်များကို လမ်းညွှန်မှာကြားခဲ့ပါ သည်။

 

ရှမ်းပြည်နယ်တရားလွှတ်တော်