အကျဉ်းထောင်နှင့် အချုပ်စခန်းများ သွားရောက်စစ်ဆေးခြင်း
အကျဉ်းထောင်နှင့် အချုပ်စခန်းများ သွားရောက်စစ်ဆေးခြင်း
ရှမ်းပြည်နယ်တရားလွှတ်တော်၊ ပြည်နယ်တရားလွှတ်တော်တရားသူကြီးချုပ် ဦးသန်းဦးလွင်သည် ၁၀.၅.၂၀၂၃ ရက်နေ့ နံနက် ၁၃:၂၀ နာရီအချိန်တွင် လင်းခေးခရိုင်တရားသူကြီး ဦးမျိုးဝင်းနှင့် မိုင်းပန်မြို့နယ်တရားသူကြီး ဦးအာကာဝင်းအောင်တို့လိုက်ပါလျက် မိုင်းပန် မြို့မရဲစခန်းအားလည်းကောင်း၊ ၁၁.၅.၂၀၂၃ ရက်နေ့ ၀၉:၃၀ နာရီအချိန်တွင် လင်းခေးခရိုင် တရားသူကြီး ဦးမျိုးဝင်း နှင့် လင်းခေးမြို့နယ်တရားသူကြီး ဦးသန်းထွန်းအောင်တို့ လိုက်ပါလျက် လင်းခေးမြို့မရဲစခန်းအားလည်းကောင်း၊ ဆက်လက်၍ ယင်းနေ့ ၁၁:၃၀ နာရီအချိန်တွင် နမ့်စန်ခရိုင်တရားသူကြီး ဦးဇော်မင်းနှင့် မိုးနဲမြို့နယ်တရားသူကြီး ဦးသီဟထွန်းဇံတို့ လိုက်ပါ လျက် မိုးနဲမြို့မရဲစခန်းအားလည်းကောင်း၊ ၁၂.၅.၂၀၂၃ ရက်နေ့ ၁၁:၃၀ နာရီအချိန်တွင် နမ့်စန်ခရိုင်တရားသူကြီး ဦးဇော်မင်းနှင့် ကွန်ဟိန်းမြို့နယ်တရားသူကြီး ဦးရဲမင်းထက်တို့ လိုက်ပါလျက် ကွန်ဟိန်းမြို့မရဲစခန်းအားလည်းကောင်း၊ ဆက်လက်၍ ယင်းနေ့ ၁၅:၂၀ နာရီ အချိန်တွင်နမ့်စန်ခရိုင်တရားသူကြီး ဦးဇော်မင်းနှင့် နမ့်စန်မြို့နယ်တရားသူကြီး ဦးစိုးမင်းထက် တို့လိုက်ပါလျက် နမ့်စန်မြို့မရဲစခန်းအားလည်းကောင်း သွားရောက်စစ်ဆေးခဲ့ပြီး ထိုသို့ ရဲစခန်းအချုပ်ခန်းများ စစ်ဆေးရာတွင် ရဲအချုပ်စခန်း၌အချုပ်တရားခံများ ပိုမိုများပြားနေမှု ရှိ/မရှိ၊ ကိုဗစ်ကာလအတွင်း အမှုများစစ်ဆေးရာတွင် ကြန့်ကြာနေရသော အခက်အခဲများကို မေးမြန်း၍ ပေါင်းစပ်ညှိနှိုင်း ပူးပေါင်းဆောင်ရွက်နိုင်ရန် လမ်းညွှန်ပေးခြင်း၊ ကိုဗစ်-၁၉ ရောဂါကာကွယ်၊ ထိန်းချုပ်၊ ကုသရေး အမျိုးသားအဆင့်ဗဟိုကော်မတီ၏ လမ်းညွှန်ချက် များနှင့်အညီ အချုပ်သားများအား အချုပ်စခန်းတွင် ထိန်းသိမ်းထားရှိရေး၊ ကျန်းမာရေးအတွက် ပိုမိုဂရုစိုက်စောင့်ရှောက်ပေးရေး၊ အချုပ်စခန်းတွင်း အချုပ်သားများ ဥပဒေပါအခွင့်အရေးများ ရရှိမှုရှိ/မရှိ၊ အချုပ်စခန်းတွင်း အချုပ်သားများ လူ့အခွင့်အရေးချိုးဖောက်ခံရမှုများရှိ/မရှိ စသည်များကို စစ်ဆေးကြည့်ရှုပြီး လိုအပ်ချက်များကို လမ်းညွှန်မှာကြားခဲ့ပါသည်။
ရှမ်းပြည်နယ်တရားလွှတ်တော်
နောက်ဆုံးရ သတင်း
နှစ်စဉ် အစီအရင်ခံစာ
