အကျဉ်းထောင်နှင့် အချုပ်စခန်းများ သွားရောက်စစ်ဆေးခြင်း
အကျဉ်းထောင်နှင့် အချုပ်စခန်းများ သွားရောက်စစ်ဆေးခြင်း
ရှမ်းပြည်နယ်တရားလွှတ်တော်၊ ပြည်နယ်တရားလွှတ်တော်တရားသူကြီးချုပ် ဦးသန်းဦးလွင်သည် ၂၁.၃.၂၀၂၃ ရက်နေ့ နံနက် ၁၀:၀၀ နာရီအချိန်တွင် ကျိုင်းတုံခရိုင်တရားသူကြီး ဦးရှိန်မြင့်နှင့် မိုင်းခတ်မြို့နယ်တရားသူကြီး ဦးဝင်းထွန်း တို့လိုက်ပါလျက် မိုင်းခတ်မြို့မ ရဲစခန်းအားလည်းကောင်း၊ ဆက်လက်၍ ယင်းနေ့ ၁၄:၀၀ နာရီအချိန်တွင် မိုင်းယန်းခရိုင် တရားသူကြီး ဦးစခိုင်ကျော်ဌေး လိုက်ပါလျက် မိုင်းယန်းမြို့မရဲစခန်းအားလည်းကောင်း၊ ၂၂.၃.၂၀၂၃ ရက်နေ့ ၀၈:၀၀ နာရီအချိန်တွင် ကျိုင်းတုံခရိုင်တရားသူကြီး ဦးရှိန်မြင့် နှင့် ကျိုင်းတုံမြို့နယ်တရားသူကြီး ဦးကြည်ယု တို့လိုက်ပါလျက် ကျိုင်းတုံအကျဉ်းထောင်အား လည်းကောင်း၊ ယင်းနေ့ ၀၉:၅၄ နာရီအချိန်တွင် ကျိုင်းတုံမြို့မရဲစခန်းအားလည်းကောင်း၊ ၂၃.၃.၂၀၂၃ ရက်နေ့ ၀၈:၄၅ နာရီအချိန်တွင် မိုင်းယောင်းခရိုင်တရားသူကြီး ဦးညီညီထွန်း လိုက်ပါလျက် မိုင်းယောင်းမြို့မရဲစခန်းအားလည်းကောင်း၊ ၂၄.၃.၂၀၂၃ ရက်နေ့ ၀၈:၃၀ နာရီ အချိန်တွင် တာချီလိတ်ခရိုင်တရားသူကြီး ဦးစံမြင့် လိုက်ပါလျက် တာချီလိတ်အချုပ်ထောင် အားလည်းကောင်း သွားရောက်စစ်ဆေးခဲ့ပြီး ထိုသို့ အကျဉ်းထောင်နှင့်အချုပ်စခန်းများအား စစ်ဆေးခြင်းနှင့်ပတ်သက်၍ အကျဉ်းထောင်များစစ်ဆေးရာတွင် အကျဉ်းထောင်၌ ပြစ်ဒဏ်ကျခံ နေရသည့် အကျဉ်းသား/အကျဉ်းသူဦးရေ၊ ၎င်းတို့နေထိုင်စားသောက်မှု အဆင်ပြေချောမွေ့မှု ရှိ/မရှိ၊ သန့်ရှင်းသောသောက်ရေ/သုံးရေရရှိမှု အခြေအနေ၊ ဥပဒေပါအခွင့်အရေးအရ အယူခံ/ ပြင်ဆင်တက်ရောက်မှုအခွင့်အရေးရရှိမှု ရှိ/မရှိ၊ ကိုဗစ်-၁၉ရောဂါကာကွယ်၊ ထိန်းချုပ်၊ ကုသရေး အမျိုးသားအဆင့်ဗဟိုကော်မတီ၏ လမ်းညွှန်ချက်များနှင့်အညီ အကျဉ်းသားများအား ထိန်းသိမ်း ထားရှိရေး၊ ကျန်းမာရေးအတွက် ပိုမိုဂရုစိုက်စောင့်ရှောက်ပေးရေး၊ ဥပဒေပါအခွင့်အရေးများ ရရှိမှု ရှိ/မရှိ၊ လူ့အခွင့်အရေး ချိုးဖောက်ခံရမှုများရှိ/မရှိ စသည်များကို စစ်ဆေးကြည့်ရှုပြီး လိုအပ်ချက်များကို လမ်းညွှန်မှာကြားခဲ့ကြောင်း၊ ရဲစခန်းအချုပ်ခန်းများ စစ်ဆေးရာတွင် ရဲအချုပ်စခန်း၌အချုပ်တရားခံများ ပိုမိုများပြားနေမှုရှိ/မရှိ၊ ကိုဗစ်ကာလအတွင်း အမှုများ စစ်ဆေးရာတွင်ကြန့်ကြာနေရသော အခက်အခဲများကိုမေးမြန်း၍ ပေါင်းစပ်ညှိနှိုင်း ပူးပေါင်း ဆောင်ရွက်နိုင်ရန် လမ်းညွှန်ပေးခြင်း၊ ကိုဗစ်-၁၉ ရောဂါကာကွယ်၊ ထိန်းချုပ်၊ ကုသရေး အမျိုးသားအဆင့်ဗဟိုကော်မတီ၏ လမ်းညွှန်ချက်များနှင့်အညီ အချုပ်သားများအား အချုပ်စခန်းတွင် ထိန်းသိမ်းထားရှိရေး၊ ကျန်းမာရေးအတွက် ပိုမိုဂရုစိုက်စောင့်ရှောက်ပေးရေး၊ အချုပ်စခန်းတွင်းအချုပ်သားများ ဥပဒေပါအခွင့်အရေးများရရှိမှု ရှိ/မရှိ၊ အချုပ်စခန်းတွင်း အချုပ်သားများ လူ့အခွင့်အရေး ချိုးဖောက်ခံရမှုများ ရှိ/မရှိ စသည်များကို စစ်ဆေးကြည့်ရှုပြီး လိုအပ်ချက်များကို လမ်းညွှန်မှာကြားခဲ့ပါသည်။
ရှမ်းပြည်နယ်တရားလွှတ်တော်
နောက်ဆုံးရ သတင်း
နှစ်စဉ် အစီအရင်ခံစာ
