လားရှိူးအကျဉ်းထောင်သို့ သွားရောက်စစ်ဆေးခြင်း
လားရှိူးအကျဉ်းထောင်သို့ သွားရောက်စစ်ဆေးခြင်း
ရှမ်းပြည်နယ်တရားလွှတ်တော်၊ ပြည်နယ်တရားလွှတ်တော်တရားသူကြီးချုပ် ဦးကြွယ်ကြွယ်သည် (၇.၇.၂၀၂၂) ရက်နေ့ နံနက် (၈:၃၀)နာရီတွင် လားရှိုးမြို့၊ အကျဉ်းထောင်သို့ သွားရောက်စစ်ဆေးခဲ့ရာ လားရှိုးခရိုင်တရားရုံးမှ ဒုတိယခရိုင်တရားသူကြီး ဦးသိန်းဆွေဦး၊ ဒုတိယခရိုင်တရားသူကြီး ဦးကျော်သူမိုး နှင့် လားရှိုးမြို့နယ်တရားသူကြီး ဦးအောင်ကိုကို တို့ လိုက်ပါခဲ့ပြီး သက်ဆိုင်ရာအကျဉ်းစခန်း တာဝန်ခံအရာရှိများမှ လိုက်ပါရှင်းလင်းခဲ့ကြောင်း သိ ရှိရပါသည်။ ထိုသို့စစ်ဆေးရာတွင် အကျဉ်းထောင်၌ ပြစ်ဒဏ်ကျခံနေရသည့် အကျဉ်းသား/ အကျဉ်းသူဦးရေ၊ ၎င်းတို့နေထိုင်စားသောက်မှု အဆင်ပြေချောမွေ့မှု ရှိ/ မရှိ၊ သန့်ရှင်းသော သောက်ရေ/သုံးရေရရှိမှုအခြေအနေ၊ ဥပဒေပါ အခွင့်အရေးအရ အယူခံပြင်ဆင်တက်ရောက် မှု အခွင့်အရေးရရှိမှု ရှိ/ မရှိ၊ ကိုဗစ်- ၁၉ ရောဂါ ကာကွယ်၊ ထိန်းချုပ်၊ ကုသရေးအမျိုးသား အဆင့်ဗဟိုကော်မတီ၏ လမ်းညွှန်ချက်များနှင့်အညီ အကျဉ်းသားများအား ထိန်းသိမ်းထားရှိ ရေး၊ ကျန်းမာရေးအတွက် ပိုမိုဂရုစိုက်စောင့်ရှောက်ပေးရေး၊ ဥပဒေပါအခွင့်အရေးများ ရရှိမှု ရှိ/ မရှိ၊ လူ့အခွင့်အရေးချိုးဖောက်ခံရမှုများ ရှိ/ မရှိ စသည်များကို စစ်ဆေးကြည့်ရှု့ပြီး လိုအပ်ချက်များကို လမ်းညွှန်မှာကြားခဲ့ပါသည်။
ရှမ်းပြည်နယ်တရားလွှတ်တော်
နှစ်စဉ် အစီအရင်ခံစာ
_Page_01.jpg)
